2-5 տարեկանների դաստիարակների լաբորատորիան կազմակերպում, համակարգում է 2-5 տարեկանների (այսուհետ՝ նախադրոցական) խնամքի զարգացման հեղինակային կրթական ծրագրի մշակման, իրականացման, տարածման աշխատանքները։
Լաբորատորիայի անդամներն են՝
- 2-5 տարեկանների խնամքի և զարգացման խմբերում աշխատող դաստիարակները, դաստիարակների օգնականները,
- դպրոց պարտեզների, քոլեջի երաժշտության դաստիարակները,
- դպրոց պարտեզների, քոլեջի ղեկավարները,
- ըստ ցանկության՝ այլ մանկավարժական աշխատողներ, ծնողներ։
Լաբորատորիայի ղեկավարին նշանակում է կրթահամալիրի տնօրենը։
Լաբորատորիայի գործառույթներն են․
- նախադպրոցականի կրթության հեղինակային ծրագրով աշխատող դաստիարակի մասնագիտական նկարագրի մշակումը.
- մասնակցություն կրթահամալիում դաստիարակների և դաստիարակների օգնականների ընդունելությանը.
- կրթահամալիրում աշխատող դաստիարակների, նրանց օգնականների համար մասնագիտական զարգացման պարապմունքների մշակումը և կազմակերպումը.
- կրթահամալիրում իրականացվող նախադպրոցականի կրթության հեղինակային ծրագրով հանրապետության դաստիարակների վերապատրաստման մշակումը և կազմակերպումը, գործընկերային կապերի պահպանումը.
- նախադպրոցականի կրթության հեղինակային ծրագրով ֆիզիկական միջավայրին ներկայացվող պայմանների մշակումը.
- նախադպրոցականի կրթության հեղինակային ծրագրով աշխատող դաստիարակի բլոգին ներկայացվող պահանջների մշակումը.
- նախադպրոցական կրթության հեղինակային կրթական ծրագրով խմբի առօրյայի, օրացուցային նախագծերի կազմակերպմանը ներկայացվող պահանջների մշակում.
- նախադպրոցականի կրթության հեղինակային ծրագրով աշխատող դաստիարակի բլոգի ուսումնասիրությունը.
- նախադպրոցականի կրթության հեղինակային ծրագրով որոշված կրթահամալիրային նախագծերի մշակումը.
- նախադպրոցական կրթության հեղինակային կրթական ծրագրի մեդիագրադարանի ստեղծումը։
Լաբորատորիայի ղեկավարը՝
- համակարգում է լաբորատորիայի ընթացիկ աշխատանքը,
- վարում է լաբորատորիայի բլոգը,
- մասնակցում է կրթահամալիրի մասնաժողովի նիտերին,
- ամեն ամիս կրթահամալիրի մասնաժողովին ներկայացնում է տեղեկանք լաբորատորիայի գործունեության մասին,
- մասնակցում է դաստիարակների, նրանց օգնականների մասնագիտական զարգացման պարապմունքներին, մասնագետի հետ քննարկում պարապմունքների բովանդակությունը
- հաստատման է ներկայացնում դաստիարակի բլոգին ներկայացվող պահանջները և դրանցում փոփոխությունները,
- ուսումնասիրում է դաստիարակների բլոգները, կազմակերպում դաստիարակների փորձի փոխանակում, կազմում տեղեկանքներ առանձին դստիարակների աշխատանքի վերաբերյալ,
- համակարգում է նախադպրոցականի կրթության հեղինակային ծրագրով որոշված կրթահամալիրային նախագծերի իրականացումը։
2-5 տարեկանների խնամքի և զարգացման ծրագիր 