Ծեսով ուսուցում մշակումը լաբորատորիայի
Ծեսի օրը՝ փետրվարի 5-11
Անցկացման վայրը՝ …
Սկիզբը՝ ժամը 11։00-ին
Մասնակիցներ՝ 2-5 տարեկաններ, 5-6 տարեկաններ, ուսուցիչներ, ծնողներ, հյուրեր
Ծրագրում՝
Ահա եկավ հայոց ազգին օրերը,
Հանեցեք հիները, հագեք նորերը:
Բարեկենդան, փորեկենդան,
Բարեկենդան օրեր է,
Խելքս գլխես կորեր է…
Բարեկենդանը հայկական հին տոներից է: Դա հայերի ամենաուրախ տոնն է եղել: Մարդիկ երկու շաբաթ կերել-խմել են, երգել, պարել, ուրախ խաղեր են խաղացել, դիմակահանդեսներ են կազմակերպել: Այդ տոնից հետո պասն է սկսվել. մարդիկ չեն կերել այն, ինչ կենդանիներից են ստացել` յուղ, միս, ձու, կաթ, մածուն:
Բարեկենդանին փոքրերը մեծի հագուստ էին հագնում, տղաները` աղջկա, ոմանք ծաղրածու էին դառնում: Հաճախ մեկին թարս նստեցնում էին էշին, պոչը տալիս ձեռքը և ծաղրում.
-Ճամփա էշի պարոնին,
Անբեղն է գալիս, ճամփա տվեք:
Արտաքինը պիտի հնարավորին չափ ծիծաղաշարժ լիներ, դեմքերին դնում էին ծիծաղելի դիմակներ կամ մուր, ալյուր քսում, ածուխով ներկում: Երեխաները տեսարան էին ներկայացնում գյուղի կյանքից կամ խաղում էին որևէ սրամիտ սյուժե:
Բարեկենդանի հերոսներից էին ձեռնափայտին հենված ծերուկը, կուզիկ զոքանչը, հաստափոր ու ագահ տերտերը, նոզայը, փայտե ուղտը:
Տոնական օրեր, տոնական եռուզեռ
Երեխաները, դաստիարակն ու ծնողները պատրաստում են տարբեր դիմակներ (կենդանիների, թռչունների, մրգերի, բույսերի և այլն): Պատրաստում են «ուղտ խաղացնելու» համար փայտի վրա ամրացված ուղտի գլուխ`«Բարեկենդանի» կարևոր խորհրդանիշերից մեկը:
Բացի դրանից պատրաստում են`
- երկու տիկնիկ`հարսի և փեսայի
- Նոզայի դիմակ
Դաստիարակը կազմակերպում է փոքրիկ խաղեր, խաղ-ներկայացումներ` նշված կերպարներին ծանոթանալու, կերպարների առանձնահատկությունները ընկալելու, ասույթները սովորելու և հասկանալու համար, որ ծեսի ժամանակ իրենց անելիքն իմանան, հասկանան: Գոմշակռիվ և աքլորակռիվ են խաղում։
Դաստիարակը ինքը կարող է Մեծ տատ դառնալ, որ տոն- խաղը կազմակերպի:
Ծրագրային ընթացիկ աշխատանքներ
- Սկսում են տարատեսակ դիմակներ պատրաստել
- Զվարճալի լուսանկարների ցուցահանդես՝ ուսուցիչներ, սովորողներ, ծնողներ
- Էլեկտրոնային նյութեր են պատրաստում՝ Բարեկենդանի, դրա կերպարների մասին
- Համեղ կերակուրների բաղադրատոմսեր և պատրաստում
- Մանակախաղերի, ազգային խաղերի նկարահանումներ
Ընտանեկան նախագծեր՝
- Մեր մանկության խաղերը
- Հեքիաթասաց տատ ու պապ
- Բարեկենդանի համով-հոտով ուտելիքներ
- Ընտանեկան ուրախ ներկայացումներ
- Ուրախ, ծիծաղելի լուսանկարներ
- Բարեկենդան հեքիաթի բեմականացում, ռադիոբեմադրում
- Երգ-պարերի ուսուցում և բեմադրում
Ամփոփում
Ամփոփում
Բուն բարեկենդանի ծես.նախագիծ, ամփոփում 2021
Բարեկենդանի ծիսական խաղեր դաստիարակների հետ 2021
Բարեկենդան 2022.
Ազգային խաղեր, թռնոցիներ, ճվիկներ 2022
Նախագծերը ըստ դպրոցների 2023
Բարեկենդան. ամփոփումն` այստեղ 2023
Ամփոփում 2024
- Բարեկենդանի դիմակներ
- Բարեկենդանի դիմակներ
- Տյառնընդառաջի և Բարեկենդանի ծեսը Արևմուտքում
- Բարեկենդանի և Տրնդեզի ծես Արևելքում
- Բարեկենդանի ծեսով սկսեցինք Մեծ Պահքը
- Բարեկենդանի խաղեր Հյուսիսում
- Բարեկենդանի դիմակներ
- Պատրաստում ենք Ակլատիզ
- Բուն բարեկենդանի ծես Հարավում
- Բարեկենդանյան ցուցադրություն Անուշ Բոյնարգյան
- Բարեկենդանի ուղտ Անուշ Բոյնարգյան
- Բարեկենդանի դիմակ Անուշ Բոյնարգյան
- Բարեկենդան օրեր են Էմմա Տերտերյան
- Ծիսական դիմակ Էմմա Տերտերյան
- Բարեկենդանի դիմակ Սեդա Գևորգյան
- Թիզ ու դմբուզ Գայանե Արզումանյան
- Նոզայի խաղը
- Դիմակներ
- փոքրերը մեծերի հագուստով
- Տյառնընդառաջ
- Բարեկենդանի դիմակներ