Խաղալիքաստեղծ -խաղաստեղծ միջավայր
Այո՛, ստեղծողների միջավայր, ոչ թե պատրաստի խաղերով ու խաղալիքներով, այլ…ստեղծում են իրենք՝ դաստիարակներն ու սաները միասին, փորձարկում են ու տարածում…
«Մխիթար Սեբաստացի» կրթահամալիրում խաղալիքներ, զարգացնող խաղեր, շրխկաններ փորձում ենք ինքներս պատրաստել և դրանք անվանում ենք «ինքնաշեն» խաղեր:
Արտադրության գործընթացի հաճույքը և հետագայում այդ խաղերով խաղալը գերազանցում են բոլորիս սպասելիքները: Պետք է տեսնել նրանց հրճվանքը խաղերը ինքնուրույն ստեղծելիս, իսկ այդ ստեղծած խաղերով խաղալը գերագույն հաճույք է պատճառում նրանց՝ խենթանալու աստիճան: Ահա՛ ձեզ իմացումի հրճվանքի ևս մի կարևոր դրվագ: Կյանքով ուսուցում, որը անընդհատ է, սանի համար հայտնագործությունների անվերջ շղթա, որով ապրում է իմացումի անծայրածիր հրճվանքը:
«Մխիթար Սեբաստացի» կրթահամալիրում գումարներ չեն ծախսվում աննպատակ, ուղղակի սովորական խաղալիքներ գնելու համար: Բացի նրանից, որ մենք ինքներս ենք ստեղծում ինքնաշեն խաղալիքներ, նաև ստեղծում ենք խաղալիքաստեղծ միջավայր՝ խմբում, բակում, լողավազանում, հարակից բակերում, և այդ ամենի մասին սեմինար-պարապմունքների ժամանակ դաստիարակները քննարկում են, հորինում, օգտագործում միմյանց փորձը՝ համադրելով ու համեմատելով ստացվածն ու չստացվածը: Տեղի են ունենում կենդանի, իրական քննարկում-վերլուծություններ՝ շաղախված փորձով ու անփորձությամբ: Բոլորն իրար լրացնելով, առաջարկները զարգացնելով՝ ավելի արհեստավարժ են դառնում, ավելի ազատ ու ստեղծագործ, մեթոդապես ավելի հմուտ, իսկ այս հարցում օգնում է կրթահամալրիր ինժեներատեխնիկական ստեղծագործության լաբորատորիան՝ Գնել Հարությունյան և ընկերները:
Աննկարագրելի մի զգացողություն է, երբ երեխան ունենում է տիկնիկ ոչ թե խանութից գնած, այլ հենց իր ձեռքերով ստեղծած: Նա ստեղծում է իր պատկերացրած, երևակայած, իր ուզած համազգեստով և գույներով, իր հեքիաթի տիկնիկը: Նախատեսում ենք ստեղծել նաև հեքիաթների հերոսներին ու գեղեցիկ հեքիաթի բեմադրություն խաղալ, ստեղծել խաղալիքներ՝ Ամանորին իրենց խմբասենյակը զարդարելու, ինչու չէ նաև ընկերներին նվիրելու համար, որից հետո կկազմակերպենք ցուցահանդես — վաճառք։ Իսկ ծնողներն էլ կկարողանան պատվեր տալ կրթահամալիրին և ձեռք բերել տարատեսակ զարգացնող խաղեր ու խաղալիքներ՝ խրախուսելով կրթահամալիրի արտադրական ուսուցմանը։ Նախքան խաղեր ստեղծելը՝ սաների հետ քննարկելու ենք՝ ինչպես պատրաստվել և ստեղծել խաղ-խաղալիքը: Իրենց անհատական համակարգչով կնկարեն խաղալիքները, տիկնիկները՝ Paint ծրագրով, կամ՝ համացանցից կփնտրեն կգտնեն իրեց ուզած խաղ- խաղալիքը և Գնել Հարությունյանի հետ կյանքի կկոչեն կրթահամալրիր ինժեներատեխնիկական ստեղծագործության լաբորատորիայում: Այդ գործընթացին ակտիվ մասնակցություն կունենան ընտրությամբ գործունեության խմբերը։
Ստեղծական միջավայրում խաղ-գործունեության միջոցով փորձելու ենք զարգացնել սաների՝
- ստեղծագործելու, երևակայելու, հորինելու կարողությունները,
- ինքնուրույնության, դրսևորումը,
- տրամաբանական մտածողությունը,
- հաղորդակցական կարողությունները,
- տեսողական-պատկերային մտածողության զարգացումը,
- տեխնոլոգիական, մեդիատեխնոլոգիական պարզագույն հմտությունները,
- թիմով աշխատելու, զիջելու կարողությունները,
- ֆիզիկական կարողությունները,
- ընդհանուր ներառականությունը և այլն:
Նախագծի արդյունքում կստեղծենք մեր էկոլոգիապես մաքուր խաղ-խաղալիքների մեծ փաթեթը և կներկայացնենք կրթահամալիրի բրենդը այլ գործընկեր պարտեզներին:
Յուրաքանչյուր խաղ- խաղալիք ունի իր մոտիվացիան, որի շնորհիվ զարգանում են մի շարք հմտությունների ու կարողություններ՝ ստեղծագործական, մարզական, տրամաբանական, տեխնոլոգիական, երաժշտական և այլն։
Մասնակիցներ՝ 5տարեկաններ, դասվար-դաստիարակներ-ծնողներ։
Տևողությունը՝ հոկտեմբեր, նոյեմբեր, դեկտեմբեր։
Յուրաքանչյուր չորեքշաբթի, ժամը` 11:00, յուրաքանչյուր խումբ կներկայացնի իր խաղ- խաղալիք նախագիծը և կհատնվի կրթահամալրիր ինժեներատեխնիկական ստեղծագործության լաբորատորիայում՝ ստեղծելով ու լուսաբանելով իր ստեղծած խաղ-խաղալիքների փաթեթը:
Կրթահամալիրի ինժեներատեխնիկական ստեղծագործության լաբորատորիայի օրացույց
- Հոկտեմբերի 19` Էլյա Գրիգորյան և ընկերներ
- Հոկտեմբերի 26` Լիան Ռոզիկյան և ընկերներ
- Նոյեմբերի 2` Անի Գրիգորյան և ընկերներ
- Նոյեմբերի 9` Դիանա Գևորգյան և ընկերներ
- Նոյեմբերի 16` Լուսինե Հակոբյան, Սեդա Խաչատրյան և ընկերներ
- Նոյեմբերի 23` Անահիտ Գրիգորյան և ընկերներ
- Նոյեմբերի 30`
- Դեկտեմբերի 7`
- Դեկտեմբերի 14`
- Դեկտեմբերի 21`
Կից ներկայացնում եմ աշխատանքները
Լուսանկարը՝ Դիանա Գևորգյանի